ތަޢާރަފް:
މި ކުލާހަކީ 6 އަހަރާއި 15 އަހަރާއި ދެމެދުގެ ދެ ޖިންސުގެކުދިންނަށް ތަޖުވީދުގެ ޤަވާއިދުތައް ދަސްކޮށްދީ ތަޖުވީދުގެ ޤަވާއިދުތަކަށް ޢަމަލު ކުރަން ދަސްކޮށްދޭ ކުލާހެކެވެ. މި ކުލާހަކީ ލެވެލް ސެޓްފިކެޓެއް ދޭ ކުލާހެއް ނޫނެވެ.
- މި ކުލާހުގައި ކޮންމެ ހަފްތާއަކު މަދުވެގެން 1 ތަޖުވީދުގެ ފިލާވަޅު ކިޔަވައިދެވޭނެއެވެ. އަދި ދަރިވަރުން ތިލާވާކުރާއިރު ޖެހޭ ތަޖުވީދުގެ ކުށްތައް ކިޔެވުމުގެ ތެރެއިން އިޞްލާޙް ކޮށްދެވޭނެއެވެ.
- ތަޖުވީދު ކުލާސް ކުރިޔަށް ދާނީ 3 މަރުޙަލާއަކަށް ބަހާލައިގެންނެވެ.
- ފުރަތަމަ މަރުޙަލާގައި 2 މަސް ނުވަތަ 40 ޕީރިއަޑް ކިޔަވައިދޭނެއެވެ.
- ދެވަނަ މަރުޙަލާގައި 5 މަސް ނުވަތަ 100 ޕީރިއަޑް ކިޔަވައިދޭނެއެވެ.
- ތިންވަނަ މަރުޙަލާގައި 5 މަސް ނުވަތަ 100 ޕީރިއަޑް ކިޔަވައިދޭނެއެވެ.
- މި ކުލާހުގައި ކޮންމެ ދުވަހަކުވެސް ހުރިހައި ކުދިންނާއި ތަޖުވީދުން ކިޔަވައިދެވުނު ބައިތަކުން ސުވާލު ކުރެވޭނެއެވެ.
- ކޮންމެ މަރުޙަލާއެއް ނިމުމުން ދަރިވަރުން ޓެސްޓް ކުރެވޭނެއެވެ.
- ދަރިވަރުން ޓެސްޓްކުރެވޭނީ ކުލާހުގެ ތެރެއިން ސުވާލު ކޮށްގެނެވެ.
- މުދައްރިސް ބޭނުންވެއްޖެ ނަމަ ކުލާސް ގަޑި ނޫން ވަގުތެއްގައި ވެސް ވަކި ވަކީން ދަރިވަރުން ޓެސްޓު ކުރެވިދާނެއެވެ.
- މި ކުލާހުގައި ޤުރްއާން ހިފްޡުގެ ބައެއް ނޯންނާނެއެވެ.
- މި ކުލާހުގައި ކިޔަވާނީ ތަޖުވީދު އަދި ތިލާވާ އެވެ.
- މި ކުލާހުގައި ކިޔަވައިދޭނީ ހަފްތާއަކު 3 ދުވަހުއެވެ.
- ކުލާހެއްގައި އެންމެ ގިނަވެގެން ކިޔަވާނީ 12 ކުދިންނެވެ. މަދުވެގެން 5 ކުދިންނެވެ.
- 08 ކުދިންނަށް ވުރެ ކުދިން މަދުނަމަ އެ ދުވަހުގެ ފިލާވަޅު ނިމުމުން ކުލާސް ނިންމާލުމުގެ އިޚްތިޔާރު މުދައްރިސަށް ލިބިގެން ވެއެވެ.
- މަޤްޞަދު:
ޢަރަބި އަކުރުތަކުގެ މަޚްރަޖުތަކާއި ތަޖުވީދުގެ އަސާސީ ޤަވައިދުތަށް އަނގަބަހުން ބުނެދޭން ދަސްކޮށްދީ ތިލާވާ ކުރުމުގައި އެ ޤަވާއިދުތަކަށް ޢަމަލުކުރަން ދަސްކޮށްދިނުމެވެ.
- ޙާޞިލްވާނެ މިންވަރު:
- ޢަރަބި އަކުރުތަކުގެ މަޚްރަޖު އަނގަބަހުން ބުނެދޭނެ. އަދި އަކުރުގެ މަޚްރަޖުން ފުރިހަމައަށް އަދާކުރާނެ.
- ޤުރްއާނުގައިވާ މުހިންމު ނިޝާންތަކާއި ނިޝާންތަކުން ދޭހަވާ މާނަ ދަސްކުރާނެ. އަދި ނިޝާނުން އަންގައިދޭގޮތަށް ފަރިތަކޮށް ކިޔަވާނެ.
- ތަޖުވީދުގެ އެންމެހައި އަސާސީ ޤަވާއިދުތައްދަސްކޮށް އަނގަބަހުން ބުނެދޭނެ. އަދި އެ ޤަވާއިދުތަކަށް ޢަމަލުކޮށްގެން ފަރިތަކަމާއިއެކު ޤުރްއާން ކިޔަވާނެ.
- މަރުޙަލާތަކުގައި ކިޔަވައިދޭނެ ބައިތައް
- މަރުޙަލާ 01
މަރުޙަލާ 01 ގައި ތަޖުވީދުން ކިޔަވައިދޭނެ ބައިތައް!
- ފިލި ފުރިހަމަ ކުރުން
- ބަރުއަކުރު
- ސުކުން ފުރިހަމަކުރުން
- ތަޝްދީދު ފުރިހަމަކުރުން
- މައްދުގެ އަކުރުތަކާއި ލީންގެ އަކުރުތައް
- ތަންވީނު
- ވަޤުފްގެ ނިޝާންތަކުގެ ދޭހަ
މަރުޙަލާ 01 ގައި ތިލާވާ ކުރާނީ ސޫރަތުއް ޟުޙާ އިން ސޫރަތުއް ނާސް ގެ ނިޔަލަށެވެ.
- މަރުޙަލާ 02
މަރުޙަލާ 02 ގައި ފުރތަމަ 2 މަހު ތަޖުވީދުން ކިޔަވާނެ ބައިތައް!
- މަޚްރަޖުގެ ތަޢާރަފާއި މަޚްރަޖު ބެހޭބައިތައް
- ب ގެ މަޚްރަޖް
- م ގެ މަޚްރަޖް
- و ގެ މަޚްރަޖް
- ف ގެ މަޚްރަޖް
- ث ގެ މަޚްރަޖް
- ذ ގެ މަޚްރަޖް
- ظ ގެ މަޚްރަޖް
މަރުޙަލާ 2 ގެ ފަހު 3 މަހު ތަޖުވީދުން ކިޔަވާނެ ބައިތައް!
- ހ. ز س ص ގެ މަޚްރަޖު
- ت د ط ގެ މަޚްރަޖު
- ر ގެ މަޚްރަޖު ( ބަރު އަދި ލުއިވާ ޙާލަތްތައް )
- ن ل ގެ މަޚްރަޖު ( ﷲ ގެ ލާމު ބަރު އަދި ލުއިވާ ޙާލަތްތައް)
- ض ގެ މަޚްރަޖު
- ج ش ي ގެ މަޚްރަޖު
- ك ق ގެ މަޚްރަޖު
- غ خ ގެ މަޚްރަޖު
- ع ح ގެ މަޚްރަޖު
- ء ه ގެ މަޚްރަޖު
މަރުޙަލާ 02 ގައި ތިލާވާ ކުރާނީ ފުރަތަމަ 2 މަހު ޣާޝިޔާއިން ލައިލްގެ ސޫރަތުގެ ނިޔަލަށެވެ. ފަހު 3 މަހު ނަބާ ސޫރަތުން އަޢްލާ ސޫރަތުގެ ނިޔަލަށެވެ.
- މަރުޙަލާ 03
މަރުޙަލާ 03 ގައި ތަޖުވީދުން ކިޔަވާނެ ބައިތައް!
- ތަޖުވީދުގެ ތައުރީފް
- ލަޙްނު
- ޤުރްއާން ކިޔެވޭ ދަރަޖަތައް
- އަޢޫޛު އާއި ބިސްމި ކިޔުން.
- ޞިފަ
- ތަފްޚީމް ތަރުޤީޤު
- ސުކުން ވެގެންވާ ނޫނާއި ތަންވީނުގެ ޙުކުމްތައް
- މީމުގެ ހުކުމް
- ލާމު ސުކުން
- މައްދު
- ހަމްޒާ
މަރުޙަލާ 03 ގައި ތިލާވާ ކުރާނީ ސޫރަތުލް ފާތިހާ އިން ސޫރަތުލް ބަޤަރާގެ 141 ވަނަ އާޔަތުގެ ނިޔަލަށެވެ.