ކީރިތި ޤުރްއާނުގެ ތަޢުރީފް:
ޤުރްއާނުގެ ލުޣަވީ މާނައަކީ: ކިޔެވުން / ލިޔެފައިވާ ކަލިމަތަކެއް ކިޔުމެވެ.
ޤުރްއާންގެ ޢިޞްތިލާޙީ މާނަ: ﷲ ސުބުޙާނަހޫ ވަތަޢާލާ ޖިބްރީލްގެ ފާނު މެދުވެރިކޮށް ރަސޫލުﷲ ޞައްލަﷲ ޢަލައިހި ވަސައްލަމްގެ މައްޗަށް ބާވާލެއްވި ސޫރަތުލް ފާތިޙާ އިން ފެށޭ ނާސް ސޫރަތައް ނިމޭ ކިޔެވުން އަޅުކަމެއް ކަމުގައި ލެއްވި، މުތަވާތިރިކޮށް އައިސްފައިވާ ﷲ ގެ ކަލާމް ފުޅެވެ.
- ކީރިތި ޤުރްއާނަށް ކިޔާ ނަންތައް:
القرآن
2. الفرقان
3. الذّكر
ޤުރްއާން ބާވާލެއްވުން:
ކީރިތި ޤުރްއާން ބާވައިލެއްވުނީ 3 ފަހަރެއްގެ މަތީންނެވެ. އެއީ..
- ލަވްޙުލް މަޙްފޫޡް އަށް ބާވައިލެއްވުން.
- ލަވްޙުލް މަޙްފޫޡް އިން ބައިތުލް ޢިއްޒާ އަށް ބާވާލެއްވުން.
- ޖިބްރީލްގެފާނު މެދުވެރި ކުރަށްވައި ރަސޫލާގެ ހިތްޕުޅަށް ބާވައިލެއްވުން.
ރަސޫލާ އަށް ކީރިތި ޤުރްއާން ބާވައިލައްވާފައިވަނީ އެކި ފަހަރުމަތީން ލަސްލަހުންނެވެ. މި ފަދައިން ޤުރްއާން ބާވައިލެއްވުމުގެ ޙިކުމަތަކީ ކީރިތި ރަސޫލާގެ ހިތްޕުޅަށް ޘާބިތުކަން ގެނެސްދިނުމަށާއި، ދަސްކޮށް، ދެނެގަތުމަށް ފަސޭހަކޮށްދެއްވުމަށްޓަކައެވެ.
